İstifadə qaydaları

musiqichi.az musiqiçiləri (küçə, həvəskar və professional ifaçıları) restoranlar, məkanlar və tədbir təşkilatçıları ilə tanış edən, həmçinin musiqi alətlərinin kirayə elanlarını yerləşdirən elan platformasıdır. Sayt musiqiçi ilə sifarişçi arasında müqavilə tərəfi deyil: qiymət, vaxt və şərtlər tərəflər arasında birbaşa razılaşdırılır.

Qeydiyyat ad, soyad və mobil nömrə ilə aparılır, nömrə təsdiq kodu ilə yoxlanılır. Hər nömrəyə bir hesab düşür.

Qeydiyyatdan keçmək üçün 16 yaşdan böyük olmalısınız. Başqasının adı və ya nömrəsi ilə qeydiyyat qadağandır.

Elanda yalnız özünüzə aid məlumat, şəkil, mahnı və video yerləşdirə bilərsiniz. Yüklədiyiniz materiallara görə məsuliyyət sizin üzərinizdədir.

• Başqasının ifasını, şəklini və ya müəllif hüququ ilə qorunan materialı icazəsiz yükləmək olmaz.
• Təhqiramiz, açıq-saçıq, aldadıcı və ya qanunsuz məzmun qadağandır.
• Qiymət və təcrübə barədə yanlış məlumat yazmaq olmaz.

Elanınızı yerləşdirməklə, materialların bu saytda göstərilməsinə icazə verirsiniz. Elanı istədiyiniz vaxt gizlədə və ya silə bilərsiniz.

Elanınız dərc olunanda nömrəniz sifarişçilərə “Nömrəni göstər” düyməsi ilə açılır. Saytın nömrənizi başqa məqsədlə paylaşmır. Ətraflı: Məxfilik siyasəti.

Rəyi restoran və ya tədbir sahibi telefon nömrəsini təsdiqləyərək yazır. Bir nömrədən bir musiqiçiyə bir rəy yazmaq olar. Real əməkdaşlığa əsaslanmayan, saxta və ya təhqiramiz rəylər silinir. Musiqiçinin özünə rəy yazması qadağandır.

Boost elanınızı müəyyən müddət ana səhifədə “Önə çıxanlar” blokunda, axtarışda yuxarıda və “Önə çıxanlar” səhifəsində göstərir. Önə çıxanlar gün ərzində 20 dəqiqəlik növbələrlə göstərilir: həmin gün az göstərilənlər birinci. Boost müəyyən sayda baxış və ya sifariş zəmanəti vermir.

Həftəlik pulsuz boost: profili tam doldurulmuş və dərc olunmuş hər musiqiçi 7 gündə bir dəfə 24 saatlıq pulsuz boost edə bilər. Limit telefon nömrəsinə görədir: hesabı silib yenidən açmaq onu sıfırlamır.

• Bir adamın pulsuz boost üçün bir neçə hesab açması qadağandır.
• Bir cihazdan həftədə yalnız bir hesab pulsuz boost edə bilər.
• Başqa profildə olan videonu öz profilinə qoyan hesaba pulsuz boost verilmir.
• Qaydanı pozan hesabların boost-u ləğv edilir, təkrar halda hesab bloklanır.

Pullu paketlər açılanda qiymətlər bu səhifədə göstəriləcək: 1 günlük — 2.99 AZN, 7 günlük — 5.99 AZN, 1 aylıq — 19.99 AZN. Qaydaları pozduğu üçün bloklanan elanın boost-u geri qaytarılmır.

Qeydiyyatdan keçən istənilən istifadəçi öz musiqi alətini və ya səs avadanlığını kirayə elanı kimi yerləşdirə bilər. Elanda yalnız sizə məxsus və kirayəyə vermək hüququnuz olan aləti göstərin; şəkillər həmin alətin özünə aid olmalıdır.

• Sayt kirayə razılaşmasının tərəfi deyil: müddət, qiymət, depozit və qaytarma şərtləri tərəflər arasında birbaşa razılaşdırılır.
• Kirayəyə götürən aləti təhvil alanda yoxlamalı, görmədiyi alətə əvvəlcədən ödəniş etməməlidir.
• Aləti zədələnmiş və ya gecikmə ilə qaytarmaq, depozitin qaytarılmaması kimi mübahisələr tərəflər arasında həll olunur.
• Oğurluq, saxta və ya aldadıcı elan aşkarlananda elan silinir, hesab bloklanır.

Qeydiyyatdan keçən istənilən istifadəçi peşəkar studiyasını və ya ev studiyasını əlavə edə bilər. Bir hesabdan ən çox 3 studiya açmaq olar. Növü düzgün seçin: ayrıca otağı və səs izolyasiyası olmayan studiya “Ev studiyası” kimi göstərilməlidir.

• Şəkillər həmin studiyanın özünə, nümunə işlər isə həqiqətən orada yazılmış və ya işlənmiş mahnılara aid olmalıdır.
• Başqasının işini öz işi kimi göstərmək, saxta qiymət və ya ünvan yazmaq qadağandır.
• Rəyi yalnız qeydiyyatdan keçmiş istifadəçi yazır, bir hesab bir studiyaya bir rəy. Öz studiyana rəy yazmaq, rəy üçün başqa hesablar açmaq və ya rəy almaq üçün pul vermək qadağandır.
• Sayt studiya ilə müştəri arasındakı razılaşmanın tərəfi deyil. Qiymət, müddət, faylların təhvili və müəllif hüquqları tərəflər arasında razılaşdırılır.
• Qaydanı pozan studiya gizlədilir və ya silinir, saxta rəylər silinir, təkrar halda hesab bloklanır.

Qaydaları pozan elanlar xəbərdarlıqsız gizlədilə, hesablar bloklana bilər.

Sayt musiqiçilərin peşəkarlığına, ifanın keyfiyyətinə və tərəflər arasındakı razılaşmaların icrasına zəmanət vermir. Ödənişləri və şərtləri birbaşa musiqiçi ilə razılaşdırın.

Qaydalar yenilənə bilər. Yeni versiya bu səhifədə dərc olunduğu andan qüvvəyə minir.